Plötudómur: Egill Sæbjörnsson – Moonlove

Greinin var skrifuð fyrir Morgunblaðið og birtist þar, laugardaginn 21. nóvember, 2020.
Tunglsjúki töframaðurinn
Ný plata með Agli Sæbjörnssyni, það teljast góðar fréttir. Moonlove bætist í nokkuð magnaðan sarp tónlistar sem listamaðurinn hefur gefið út á síðastliðnum tveimur áratugum eða svo.
Ég man það svo ósköp vel er plata Egils Sæbjörnssonar, Egils S, Tonk of the Lawn , kom út árið 2000. Ég vissi af honum sem myndlistarmanni en fólk var dálítið gáttað þegar það handlék geislaplötu að nafninu Tonk of the Lawn . Hvað var þetta eiginlega? Enn gáttaðra varð fólkið er það heyrði sjálfa tónlistina. Platan atarna er meistaraverk. Ég var svo heppinn að fá að skrifa gagnrýni um hana og sagði m.a.: „Tónlistin sjálf er einhvers konar skrýtipopp; og eru nálganir Egils við dægurtónlistina ekki ósvipaðar aðferðum Beck, Egill nær að búa til eitthvað nýtt og ferskt úr hafsjó tilvísana í sögu og inntak popptónlistarinnar þannig að upp úr stendur frumleg poppplata… Lögin eru öll, hvert á sinn hátt, snilldarlegur leikur að þessum möguleikum. Fjölbreytt, frjó og svöl lög…“
Svo mörg voru þau orð. Dans Egils, sem er þekktastur fyrir myndlist, við tónlistargyðjuna hefur verið reglubundinn lengi vel, og er bæði takfastur og fagur. Hann gaf t.a.m. út stuttplötuna The international rock n’roll summer of Egill Sæbjörnsson ári fyrr og eftir Tonk of the Lawn (sem var gefin út árið 2001 á nýjan leik af Some Bizzare í Bretlandi) hafa komið út plötur sem innihalda tónlist fyrir listsýningar (sjá t.d. Out of Controll in Venice ) og svo kom platan Egill S út árið 2009 sem innihélt hófstilltari tónlist en var að finna á Tonk (ef Tonk er Mellow Gold þá er Egill S Mutations ).
Moonlove er ólík þessu öllu hins vegar. Skemmtileg, ljúf og aðgengileg en súrrealísk og flippuð líka. Jafnvægi. Þetta ófyrirséða dæmi sem gerði Tonk svo sterka er hérna en líka þetta góða lagasmíðainnsæi sem kom svo vel fram á Egill S . Plötur Egils eru alltaf gáskafullar en þetta er aldrei helbert sprell. Ég heyri í hinum ameríska Ariel Pink, sem komst upp á yfirborðið á svipuðum tíma og Tonk kom út, en ég heyri líka vel í Berlínarborg, hvar Egill hefur lengi búið (fagurfræði Morr Music-útgáfunnar og raftónlistarpopp Lali Puna). Söngröddin kallar þá meistara Bowie fram í hugann.
Moonlove er reyndar glettilega fjölbreytt líka og manni finnst maður vera staddur í speglasal, furðuhúsi eður -veröld. „Good Day“ opnar plötuna, þekkilegt rafpopp, en næst er það „Gubbi Gubbi“, ósungin stemma að mestu sem eykur á þessa töfratilfinningu. Titillagið hefst svo eins og máttugasta nútímapopp, Egill les inngangsorð, stúlknarödd ómar en svo er slakað skyndilega á. Það er eins og lagið sé hætt við að byrja! Ég vil taka þetta dæmi, og þau eru fjölmörg hér, til sönnunar því hvernig Egill vinnur, og hvernig hann sigrar á þessari plötu. Það er nefnilega aldrei neitt gefið, það er aldrei farið í þær áttir sem maður heldur að verði farið í. Jú, stundum er það gert. En stundum ekki! Og þannig er þetta áfram. „Let me in“ hefst með hljóðbút úr því sem virðist vera sinfónía eða ballett en svo koma fuglahljóð og rafmotta fljótlega. Lagið „Ísafjarðarmær“ er þá allt á íslensku (og hefst á hörku-þverflautuleik sem hefði gert Ian Anderson stoltan).
Öll þessi stemning er vel undirstrikuð með vel heppnuðu umslagi. Egill á ferð að kvöldlagi í íslensku umhverfi en hann er að skunda framhjá furðubyggingu sem gæti verið úr Múmíndal. Það er eitthvað þægilegt við þessa mynd, eitthvað barnslegt og notalegt. Umlykjandi draumveröld. Nei, það er eitthvað „egilskt“ við þetta öllu heldur, eins og með þessa plötu alla. Og er það vel.
Stikkorðaský
Abba ATP Björk Bob Dylan Bryan Ferry Bubbi Bítlarnir Cyber David Bowie Eurovision Evróvisjón Færeyjar Glasgow Grænland HAM Harpa Ian Anderson Iceland Airwaves Jethro Tull Julia Holter Jóhann Jóhannsson jólatónlist Kraftwerk Kælan Mikla Morgunblaðið múm Neil Young Nick Cave Nordic Music Prize Norrænu tónlistarverðlaunin Nuuk Nuuk Nordic Culture Festival post-dreifing sigur rós Skotland Skúli Sverrisson Söngvakeppnin Söngvakeppni Sjónvarpsins Thick As A Brick tónleikar tónlist ... er tónlist valtari íslensk tónlist íslenskur plötudómur þjóðlagatónlistUmræðan
- https://lovetoy.vn/ on Um samfélagslegt gildi tónlistar: Sumarbrúðkaup í Finnlandi notað sem sýnisdæmi
- Ólafur Guðsteinn Kristjánsson on Rýnt í: GDRN
- Þorvaldur Daði on Rýnt í: Þóri Georg
- Brynhildur Valgeirsdottir on Plötudómur: Arnar Guðjónsson – Grey Mist of Wuhan
- Hildur Skarphéðinsdóttir on Pælingar: by:Larm og Norrænu tónlistarverðlaunin
- guiflithong.xyz on Um samfélagslegt gildi tónlistar: Sumarbrúðkaup í Finnlandi notað sem sýnisdæmi
- Thorsteinn G. Berghreinsson on Söngvakeppnin: Arnar Eggert gagnrýnir lögin
- Ingimar Neinei Bjarnason on Söngvakeppnin: Arnar Eggert gagnrýnir lögin
- Thorsteinn G. Berghreinsson on Iceland Airwaves 2015: Fimm daga heildarúttekt
- clash of clans hack apk download for android no survey,clash of clans hack apk 7.65.5,clash of clans hack download 2015,clash of clans hack download free,clash of clans hack tool download no survey,clash of clans hack download android,clash of clans hack on John Carpenter heldur tónleika í fyrsta sinn … og það á ATP á Íslandi!!!
Safn
- January 2021
- December 2020
- November 2020
- October 2020
- September 2020
- August 2020
- July 2020
- June 2020
- May 2020
- April 2020
- March 2020
- February 2020
- January 2020
- December 2019
- November 2019
- October 2019
- September 2019
- August 2019
- July 2019
- June 2019
- May 2019
- April 2019
- March 2019
- February 2019
- January 2019
- December 2018
- November 2018
- October 2018
- September 2018
- August 2018
- July 2018
- June 2018
- May 2018
- April 2018
- March 2018
- February 2018
- January 2018
- December 2017
- November 2017
- October 2017
- September 2017
- August 2017
- July 2017
- June 2017
- May 2017
- April 2017
- March 2017
- January 2017
- December 2016
- November 2016
- October 2016
- September 2016
- August 2016
- July 2016
- June 2016
- May 2016
- April 2016
- March 2016
- February 2016
- January 2016
- December 2015
- November 2015
- October 2015
- September 2015
- August 2015
- July 2015
- June 2015
- May 2015
- April 2015
- March 2015
- February 2015
- January 2015
- December 2014
- November 2014
- October 2014
- September 2014
- August 2014
- July 2014
- June 2014
- May 2014
- April 2014
- March 2014
- February 2014
- January 2014
- December 2013
- November 2013
- October 2013
- September 2013
- August 2013
- July 2013
- June 2013
- May 2013
- April 2013
- March 2013
- February 2013
- January 2013
- December 2012
- November 2012
- October 2012
- September 2012
- August 2012
- July 2012
- June 2012
- May 2012