Follow
Það var ekki amalegt að fá ábendingu um þetta frábæra myndband Will gamla Oldham sem er okkur Frónbúum að góðu kunnur. Um er að ræða hið klassíska „I See a Darkness“ af samnefndri plötu og er það undanfari nýrrar stuttskífu sem kemur út í júlí, Now Here’s My Plan. Útgáfan er hraðari og sumpart kerknislegri en upprunalega smíðin og veit ég til þess að hún er þegar orðin nokkuð umdeild. Er forsvaranlegt að taka jafn sorgbundið lag og breyta því í gáskafulla smíð? Myndbandið, sem var tekið í Glasgow, minnir þá nokkuð á „Dig Lazarus Dig“ myndbandið hans Nick Cave, en hann og Oldham eru góðir félagar. En hei, hvað finnst ykkur?
Deildu!
Til hamingju með nýja síðu herra minn. Það verður gaman að fylgjast með hér.
Honum leyfist þetta auðvitað en mér finnst þetta alveg á tæpasta – til hamingju með vefinn AET!
Brilliant útgáfa og flottir taktar – er það ekki rétt munað hjá mér að hann hafi gælt við leiklist? Flottur vefur.
Takk Hallur. Og rétt, hann hóf ferilinn sem leikari, "child actor" eins og það er kallað. Svo var hann í ljósmyndun líka. Fjölhæfur skolli.
Hann er flottur ljósmyndari. Hann tók meðal annars cover-ið á Spiderland plötunni frá Slint.
Búinn að fá komment frá starfsmanni Ríkísútvarpsins, blaðamanni af Morgunblaðinu og ráðgjafa mennta- og menningarmálaráðherra. Ekki amalegt!
Gratúlera með þennan annars góða vef.
Glæsileg síða, er hægt að like-a hana? eða like-a færslur eða er þetta aðalega á svona share formati, afsakið enskusletturnar! 🙂
Takk Ösp! Forritunarteymi arnareggert.is leggur nú dag við nótt í alls kyns snikki og betrumbótum. Þetta á eitthvað eftir að raffinerast á næstu dögum. Allar ábendingar mjög vel þegnar!
Frábært lag, frábær endurflutningur. Gleðin í laginu fær loks að skína…
Massa fín útgáfa.
Dreymir reglulega um tónleikana hans á Gauknum.
En svo ég svari vangaveltum um gömlu skinkuna, þá er ég að fíla þessa útgáfu vel. Einn styrkur þessa manns er að bera heilbrigða vanvirðingu fyrir ferli sínum ef svo mætti segja og ég man að hann lék lögin af hinni stilltu og lágstemmdu Master and Everyone í hressilegum rokkútgáfum á Hróarskeldu, skömmu eftir að hún kom út. Það voru frábærir tónleikar. Svipaðar æfingar má heyra á Summer in the Southeast (2005). En þetta er ótrúlegur maður, vonandi gefst færi á að rita meira um þennan heiðursmann á þessum vettvangi.
gaman að setja athugasemd við athugasemd við athugasemdum um færslu.
Til hamingju með síðuna Arnar, þetta er stórfínt!
Ég er rosalega hrifinn af þessu lagi.
Alltof stutt.
hvað finnst okkur? þetta er fullkomið!