Follow
This just in! Mikið hefur verið látið með söngvaskáldið Ásgeir Trausta að undanförnu og ekki að ósekju. Drengurinn er aðeins 19 ára, bróðir Steina í hjálmum (sem má heyra á söngröddinni) og ljóst að um gríðarlegt efni er að ræða. Lag hans „Sumargestur“ hefur notið mikilla vinsælda að undanförnu og hefur nú setið sex vikur á vinsældarlista Rásar 2.
Nýtt lag „Leyndarmál“, er nú á leið í spilun. Lagið er eftir Ásgeir en textann á faðir hans Einar Georg Einarsson. Fyrsta breiðskífa Ásgeirs Trausta, Dýrð í dauðaþögn, kemur svo út í ágúst og er allt efni frumsamið.
Ég má þá til með að nefna að Ásgeir leikur og með spútniksveitinni The Lovely Lion sem fór á miklum kostum í Músíktilraunum. Síðuhöfundur var einstaklega hrifin af framlagi þeirra þar.
Hér fer svo listi yfir þá sem spila á laginu nýja:
Söngur, raddir, gítar, hljómborð, píanó: Ásgeir Trausti Einarsson
Forritun: Guðm. Kristinn Jónsson
Hljómborð, bassi, forritun: Sigurður Guðmunddson
Trommur: Kristinn Snær Agnarsson
Bassi: Ingi Björn Ingason
Básúna: Samúel Jón Samúelsson
Trompet: Kjartan Hákonarson
Saxafónn: Óskar Guðjónsson
Deildu!
Skrýtið að maður getur ekki hlustað á lagið? Eða er hægt að gera það einhverstaðar?
Gjörðu svo vel Haukur: http://www.gogoyoko.com/artist/asgeirtrausti
http://www.reverbnation.com/%C3%81sgeirtrausti
Ég var svoldið að hvetja síðuhaldara þessarar frábæru síðu til að gera embedd. En ég fagna þessum kommentum og þessu ágæta lagi!
http://www.gogoyoko.com/album/Leyndarmal