Plötudómur: Kælan Mikla og Barði Jóhannsson – The Phantom Carriage
![](https://arnareggert.is/wp-content/uploads/2024/06/Bardi-og-Kaelan-Phantom-Carriage-OST-umslag.jpg)
Greinin var skrifuð fyrir Morgunblaðið og birtist þar, laugardaginn 8. júní.
Draugareiðin
The Phantom Carriage er samvinnuverkefni Kælunnar miklu og Barða Jóhannssonar. Um er að ræða tónspor sem var sérstaklega samið fyrir rúmlega 100 ára gamla mynd (Körkarlen) og var það flutt í kirkju á kvikmyndahátíð í Transylvaníu. Eðlilega.
Sú iðja að semja tónlist við gamlar hljóðlausar myndir er ekki ný af nálinni og í hugann kemur t.d. tónlist múm við Beitiskipið Pótemkín. Körkarlen, á ensku The Phantom Carriage, kom út árið 1921 í leikstjórn hins sænska Victors Sjöströms en sá var gríðarlega áhrifamikill í árdaga kvikmyndalistarinnar. Barði (oft kenndur við Bang Gang) ýtti verkefninu af stað og fékk Kæluna til liðs við sig en sveitin og Barði unnu saman titillag plötunnar Nótt eftir nótt (2018). Það leiddi síðan til þess að hann stýrði upptökum á plötu sveitarinnar Undir köldum norðurljósum árið 2021. Myndin var sýnd á alþjóðlegu kvikmyndahátíðinni í Transylvaníu á síðasta ári og léku Kælan mikla og Barði undir. Svo vel tókst til að ákveðið var að koma tónlistinni á fast form og verður hún nú sett undir smásjá.
Barði er ekki óvanur svona vinnu og Häxan líklega þekktast en Barði samdi tónlist við þá sænsk/dönsku mynd og gaf út árið 2006 en myndin sjálf er bara ári yngri en viðfangið hér.
Í viðtali við blað þetta fer Barði fögrum orðum um Kæluna miklu, þær Laufeyju Soffíu, Margréti Rósu Dóru-Harrysdóttur og Sólveigu Matthildi Kristjánsdóttur: „Þær hafa einstakan hljóðheim. Sólveig er að mínu mati einn fremsti raftónlistarlagasmiður landsins og sér um syntahljóðheiminn. Maggý býr til ótrúlega fallegar bassalínur; einfaldar en einstakar. Laufey er með silkimjúka rödd og semur áhugaverðar laglínur, en kann svo líka að öskra mjög fallega.“ Og þær hafa svipaða sögu að segja um hann. Hópurinn small saman eins og sagt er og það heyrist á plötunni. Hvort heldur í heildstæðum, rökkurbundnum Bang Gang-hljómi, hljóðgervladrifnum níunda áratugar gotablæ Kælunnar, söngrödd Laufeyjar, bassa Margrétar eða hljómborðstöfrum Sólveigar.
„Legend Of The Graveyard“ opnar verkið, höfugt og dularfullt og hljómar smá eins og tónlist við löngu gleymda ungverska bíómynd frá 1982. Nú, eða þá rúmenska. Þetta er evrópsk tónlist og kastalar, Nosferatu-myndir og kertastjakar fljóta úr hátölurunum. Þessu er viðhaldið í „The Grim Reaper“ en það stef er ögn nútímavæddara, mér finnst eins og ég heyri í gítar og tónlistin er poppvænni í mjög ákveðnum skilningi. Laufey tónar fallega yfir „David Holm“ og „Souls Of The Dead“ er spennuhlaðið millistef. „Körkarlen“ er eins lags titillag, hægt og seiðandi eins og platan öll reyndar ef við lítum heildrænt yfir sviðið. Það er myrkur yfir, þyngsli og skuggar og tónlistin smellur eins og flís við rass þegar rammar myndarinnar eru bornir saman við tónsporið. „Körkarlen“ nær að samþætta nútímalega, rökkurbylgjulega („dark wave“) stemningu við nokkurs konar fornfáleika, lagið rúllar áfram umvafið kóngulóarvef og það er rök og köld lykt yfir. Verkið er heildstætt, plötunni vindur áfram á rökréttan hátt og þessi skuggum troðni andi er dreginn listavel fram. Tilbrigða er og gætt, flauta gerir vart við sig í „Reminiscence“ og þar birtir eilítið til en sú pása er örstutt. „Leaving You Behind“ státar af Enyu-legum töktum, Enya ef hún væri frá Austur-Evrópu en ekki Írlandi, og restin af plötunni rennur áfram í því móti sem lýst hefur verið. Þetta er sveimbundið („ambient“), það er ekki verið að hvessa sig eða bregða manni, öllu heldur er platan umfaðmandi, eiginlega blíð, þó að söguþráðurinn sé kaldur sem nár.
Verkið verður flutt aftur þegar tækifæri gefast að sögn aðstandenda og ekki er loku fyrir það skotið að stækka þá við það, bæta við strengjum eða ámóta. Draugareiðin mun fara í gegnum holt og hæðir ef því er að skipta.
Stikkorðaský
Abba ATP Björk Bob Dylan Bubbi Bítlarnir Cyber David Bowie Eurovision Evróvisjón Færeyjar Færeysk tónlist Grænland Harpa Hildur Guðnadóttir Ian Anderson Iceland Airwaves Jethro Tull Jóhann Jóhannsson jólatónlist Kraftwerk Kælan Mikla Misþyrming Morgunblaðið Myrkfælni múm Músíktilraunir Nick Cave Nordic Music Prize Norrænu tónlistarverðlaunin Nuuk Nuuk Nordic Culture Festival post-dreifing President Bongo Reptilicus sigur rós Skotland Skúli Sverrisson Söngvakeppnin Söngvakeppni Sjónvarpsins The Beatles Thick As A Brick tónleikar tónlist ... er tónlist íslenskur plötudómurUmræðan
- PtaXa on Plötudómur: Ingibjörg Turchi – Stropha
- Ilmu Komunikasi on A Faroese Music Diary – Skrapt Festival 2023: #3
- Manajemen on A Faroese Music Diary – Skrapt Festival 2023: #3
- Ilmu Forensik on A Faroese Music Diary – Skrapt Festival 2023: #3
- Biomedis on A Faroese Music Diary – Skrapt Festival 2023: #3
- Informatika on A Faroese Music Diary – Skrapt Festival 2023: #3
- SO on Plötudómur: Bubbi – Ljós og skuggar
- Irgi Zanuar on Viðtal: Egill Ólafsson
- Sains Data on Uppgjör: Nuuk Nordic Culture Festival 2019
- RPLA on Rýnt í: Kynjahalla í dægurtónlist
Safn
- August 2024
- July 2024
- June 2024
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- July 2022
- June 2022
- May 2022
- April 2022
- March 2022
- February 2022
- January 2022
- December 2021
- November 2021
- October 2021
- September 2021
- August 2021
- July 2021
- June 2021
- May 2021
- April 2021
- March 2021
- February 2021
- January 2021
- December 2020
- November 2020
- October 2020
- September 2020
- August 2020
- July 2020
- June 2020
- May 2020
- April 2020
- March 2020
- February 2020
- January 2020
- December 2019
- November 2019
- October 2019
- September 2019
- August 2019
- July 2019
- June 2019
- May 2019
- April 2019
- March 2019
- February 2019
- January 2019
- December 2018
- November 2018
- October 2018
- September 2018
- August 2018
- July 2018
- June 2018
- May 2018
- April 2018
- March 2018
- February 2018
- January 2018
- December 2017
- November 2017
- October 2017
- September 2017
- August 2017
- July 2017
- June 2017
- May 2017
- April 2017
- March 2017
- January 2017
- December 2016
- November 2016
- October 2016
- September 2016
- August 2016
- July 2016
- June 2016
- May 2016
- April 2016
- March 2016
- February 2016
- January 2016
- December 2015
- November 2015
- October 2015
- September 2015
- August 2015
- July 2015
- June 2015
- May 2015
- April 2015
- March 2015
- February 2015
- January 2015
- December 2014
- November 2014
- October 2014
- September 2014
- August 2014
- July 2014
- June 2014
- May 2014
- April 2014
- March 2014
- February 2014
- January 2014
- December 2013
- November 2013
- October 2013
- September 2013
- August 2013
- July 2013
- June 2013
- May 2013
- April 2013
- March 2013
- February 2013
- January 2013
- December 2012
- November 2012
- October 2012
- September 2012
- August 2012
- July 2012
- June 2012
- May 2012